Vitamin D deficiency and Symptoms : విటమిన్ డి లోపం ఉన్నవారిలో సాధారణంగా కొన్ని లక్షణాలు కనిపిస్తాయి. తీవ్ర అలసట, తరచుగా అనారోగ్యం, ఆందోళన, ఎముక నొప్పి, నెమ్మదిగా గాయం మానడం వంటివి ఉండవచ్చు. విటమిన్ డి (vitamin d deficiency) లోపాన్ని నివారించాలంటే.. ఆహార మార్పులు లేదా సప్లిమెంట్లను తీసుకోవడం చేయాలి. విటమిన్ డి కొన్నిసార్లు సూర్యరశ్మి విటమిన్ ట్రస్టెడ్ సోర్స్ అని చెప్పవచ్చు.
ఎందుకంటే.. మీ చర్మంపై సూర్యరశ్మి పడినప్పుడు శరీరం కొలెస్ట్రాల్ నుంచి విటమిన్ డి తయారవుతుంది. ఇది కొవ్వులో కరిగే విటమిన్.. ఎముకల ఆరోగ్యం, రోగనిరోధక శక్తితో సహా మీ శరీరం సరైన పనితీరులో కీలక పాత్ర పోషిస్తుంది. విటమిన్ డి అనేది క్యాన్సర్‌ను నిరోధించడంతో పాటు అనేక దీర్ఘకాలిక అనారోగ్య సమస్యల నుంచి రక్షించడంలో కూడా సాయపడుతుంది. విటమిన్ డి లోపం (vitamin d deficiency cause) అనేది దీర్ఘకాలిక వ్యాధులతో బాధపడేవారిలో ముఖ్యంగా తరచుగా ఎముక విరగడం, టైప్ 2 డయాబెటిస్, గుండె జబ్బులు, మల్టిపుల్ స్క్లేరోసిస్ వ్యాధులతో సంబంధం ఉందని కనుగొన్నారు.
విటమిన్ డి ఎంత మోతాదులో తీసుకోవాలి? :
విటమిన్ డి లోపం సాధారణంగా 20ng/mL కన్నా తక్కువ రక్త స్థాయిలను కలిగి ఉంటుంది. అయితే, 21-29 ng/mL స్థాయిలు తగినంత లేవని అర్థం. చాలా మంది పెద్దల్లో ప్రతిరోజూ 1,500 నుంచి 2,000 అంతర్జాతీయ యూనిట్లు (IU) విటమిన్ డి తప్పనిసరిగా ఉండాలి. విటమిన్ డి మోతాదు పెద్దల్లో విటమిన్ డి3 60వేల ఇంటర్నేషనల్ యూనిట్స్ వారానికి ఒకసారి 8 వారాల పాటు తీసుకోవాల్సి ఉంటుంది. అది కూడా వైద్యుడు నిర్దేశించిన విధంగా రోజువారీ మోతాదును తీసుకోవాలి.
లేదంటే.. కాల్షియం స్థాయిలో అధికంగా పెరిగి ఇతర కాంప్లికేషన్స్ వచ్చే రిస్క్ ఉందని గమనించాలి. వైద్యుని సలహాతో మాత్రమే డి సప్లిమెంట్స్ తీసుకోవాలి. మోతాదుకు మించి అసలు తీసుకోకూడదు. అయినప్పటికీ, విటమిన్ డి లోపం ప్రపంచవ్యాప్తంగా సర్వసాధారణమైన పోషకాహార లోపాలలో ఒకటిగా ఉంది. ఉదాహరణకు, అమెరికాలోని దాదాపు 42శాతం మంది పెద్దలకు విటమిన్ డి లోపం ఉన్నట్టు పలు అధ్యయనాలు చెబుతున్నాయి. ఈ సంఖ్య హిస్పానిక్ పెద్దలలో దాదాపు 63శాతం, ఆఫ్రికన్ అమెరికన్ పెద్దలలో 82శాతం వరకు పెరిగింది.
విటమిన్ డి లోపం లక్షణాలు ఏంటి? :
తరచుగా అనారోగ్యం లేదా అంటువ్యాధులు, ఇన్ఫెక్షన్‌లతో బాధపడేవారిలో విటమిన్ డి లోపం ఉంటే అవకాశం ఎక్కువ. మీరు తరచుగా అనారోగ్యానికి గురైతే.. తక్కువ విటమిన్ డి స్థాయిలు ఉండవచ్చు. విటమిన్ డి లోపంతో సాధారణ జలుబు, బ్రోన్కైటిస్, న్యుమోనియా వంటి శ్వాసకోశ ఇన్ఫెక్షన్ల మధ్య సంబంధం ఉందని పరిశోధనలు సూచిస్తున్నాయి. విటమిన్ డి లోపం అనేక వైరల్ వ్యాధులతో ముడిపడి ఉందని తేలింది. అందులో హెపటైటిస్, ఫ్లూ, కోవిడ్-19, ఎయిడ్స్ వంటి వ్యాధులు ఉన్నాయి.
విటమిన్ డి సప్లిమెంటేషన్ శ్వాసకోశ ఇన్ఫెక్షన్ల ప్రమాదాన్ని తగ్గించడంలో సాయపడిందని కనుగొన్నారు. 25nmol/l కన్నా తక్కువ రక్త సాంద్రత లేదా తక్కువ స్థాయిలో విటమిన్ డి ఉన్న వ్యక్తులకు ఇది మరింత ప్రయోజనకరంగా ఉంటుంది. విటమిన్ డి కొన్ని స్థాయిలు శ్వాసకోశ ఇన్ఫెక్షన్ల ప్రమాదాన్ని తగ్గించడంలో సాయపడతాయని తేలింది. అయినప్పటికీ, మీరు ఎలాంటి కారణం లేకుండా తరచుగా ఇన్ఫెక్షన్‌లు లేదా అనారోగ్యాన్ని ఎదుర్కొంటుంటే.. వైద్య నిపుణులను సంప్రదించడం ఉత్తమం. మీ ఆరోగ్యానికి ఏవైనా సప్లిమెంట్లు తీసుకోవాలా? లేదా తగిన ఇంజెక్షన్లను తీసుకోవాలా లేదా అనేది మీ వైద్యున్ని సంప్రదించి అవసరమైన చికిత్స తీసుకోవచ్చు.
అలసటగా ఉండటం :
విటమిన్ డి లోపం వల్ల అలసట కలుగుతుందని పరిశోధనలు సూచిస్తున్నాయి. ఉదాహరణకు.. 2019 అధ్యయనంలో 480 మంది వృద్ధులలో విటమిన్ డి లోపం అలసట లక్షణాలతో ముడిపడి ఉందని గుర్తించారు. 39 మంది పిల్లలలో 2020 అధ్యయనంలో తక్కువ నిద్ర నాణ్యత, తక్కువ నిద్ర వ్యవధి, ఆలస్యంగా నిద్రపోయే సమయాలతో తక్కువ విటమిన్ డి స్థాయిలను కలిగి ఉంది. ఇది తీవ్ర అలసటకు దారితీయవచ్చు. మహిళా నర్సులలో 2015 అధ్యయనం ప్రకారం.. తక్కువ విటమిన్ డి స్థాయిలు అలసట మధ్య సంబంధాన్ని కనుగొన్నారు. అంతేకాదు.. 89శాతం మంది విటమిన్ డి లోపంతో ఉన్నారు. విటమిన్ డి సప్లిమెంటేషన్ లోపం ఉన్నవారిలో అలసట తీవ్రతను తగ్గించవచ్చని అధ్యయనాలు సూచిస్తున్నాయి.
ఎముక, వెన్నునొప్పి :
విటమిన్ డి అనేది శరీరంలోని కాల్షియం శోషణను మెరుగుపరచడం ద్వారా ఎముకల ఆరోగ్యాన్ని కాపాడుతుంది. ఎముక, నడుము నొప్పి విటమిన్ డి లోపం ముఖ్య లక్షణాలు కావచ్చు. 2018 సమీక్షలో 81 అధ్యయనాల్లో ఆర్థరైటిస్, కండరాల నొప్పి, దీర్ఘకాలిక విస్తృతమైన నొప్పి ఉన్న వ్యక్తులు ఈ పరిస్థితులు లేని వ్యక్తుల కన్నా తక్కువ స్థాయిలో విటమిన్ డి కలిగి ఉంటారని కనుగొన్నారు. అదేవిధంగా, తక్కువ వెన్నునొప్పి ఉన్న 98 మంది పెద్దలలో 2018 అధ్యయనంలో విటమిన్ డి తక్కువ స్థాయిలను మరింత తీవ్రమైన నొప్పితో సంబంధం ఉందని తేలింది. అయినప్పటికీ, ఇతర అధ్యయనాలలో అస్థిరంగా ఉందని గుర్తించారు.
ఆందోళన, నిరాశ :
విటమిన్ డి లోపం కారణంగా ఆందోళన ట్రస్టెడ్ సోర్స్, డిప్రెషన్ ట్రస్టెడ్ సోర్స్‌తో సంబంధం కలిగి ఉంటుంది, ముఖ్యంగా పెద్దవారిలో కొన్ని అధ్యయన ఫలితాలు విరుద్ధంగా ఉన్నాయి. దీనికి మరింత పరిశోధన అవసరమని నిపుణులు అభిప్రాయపడుతున్నారు. విటమిన్ డి సప్లిమెంట్స్ ప్రభావాలు కూడా మిశ్రమంగా ఉన్నాయి. అయితే, 2014 ట్రస్టెడ్ సోర్స్, 2019ట్రస్టెడ్ సోర్స్, 2021 విశ్వసనీయమైన మూలాల నుంచి వచ్చిన కొన్ని రివ్యూల ప్రకారం.. డిప్రెషన్ లక్షణాల నుంచి ఉపశమనం పొందడంలో సాయపడతాయని కనుగొన్నారు.
గాయం త్వరగా నయం కాకపోవడం :
చాలామందికి ఏదైనా గాయం అయితే తొందరగా నయం కాదు.. పూర్తిగా మానేందుకు చాలా సమయం పడుతుంది. ఇలాంటి లక్షణాలు కనిపిస్తే.. మీలో విటమిన్ డి లోపం తీవ్రంగా ఉందని గుర్తించాలి. ఉదాహరణకు.. విటమిన్ డి లోపం ఉన్న వ్యక్తులలో దంత శస్త్రచికిత్స చేసిన తర్వాత గాయం నెమ్మదిగా మానిందని కనుగొన్నారు. గాయం-వైద్యం ప్రక్రియలో భాగంగా కొత్త చర్మాన్ని ఏర్పరచడానికి విటమిన్ డి ట్రస్టెడ్ సోర్స్ పెంచుతుంది.
ఇన్ఫ్లమేషన్‌ను నియంత్రించడంలో ఇన్‌ఫెక్షన్‌లను పరిష్కరించడంలో విటమిన్ డి కీలక పాత్ర పోషిస్తుంది. ఉదాహరణకు.. 221 మంది వ్యక్తులలో 2014 అధ్యయనం చేయగా.. తీవ్రమైన విటమిన్ డి లోపం ఉన్నవారిలో అధిక స్థాయి ఇన్ఫ్లమేటరీ లక్షణాలను కలిగి ఉన్నారని కనుగొన్నారు. మధుమేహం సంబంధిత ఫుట్ అల్సర్‌లతో బాధపడుతున్న 60 మంది వ్యక్తులపై జరిపిన 12-వారాల అధ్యయనంలో విటమిన్ డి సప్లిమెంట్లను తీసుకున్న వారు ప్లేసిబో గ్రూపుతో పోలిస్తే.. గాయం తొందరగా మానింది.
ఎముకల నష్టం :
కాల్షియం శోషణ, ఎముక జీవక్రియలో విటమిన్ డి కీలక పాత్ర పోషిస్తుంది. ఇది చాలా ముఖ్యం. ఎందుకంటే.. అదే సమయంలో విటమిన్ డి, కాల్షియం తీసుకోవడం వల్ల శరీరంలో సహాయపడుతుంది. ఎముక ఖనిజ సాంద్రత తక్కువగా ఉంటే.. ఎముకలు కాల్షియం, ఇతర ఖనిజాలను కోల్పోయాయని అర్థం. వృద్ధులు, ముఖ్యంగా ఆడవారిలో ఎముకల పగుళ్లు అధిక రిస్క్ ఉంటుంది. విటమిన్ డి లోపం బోలు ఎముకల వ్యాధి, సార్కోపెనియా (కండరాల నష్టం) వంటి ఎముక వ్యాధుల ప్రమాదాన్ని పెంచుతుంది.
అయినప్పటికీ, వృద్ధులలో విటమిన్ డి సప్లిమెంటేషన్ థెరపీపై పరిశోధన మిశ్రమ ఫలితాలను ఇచ్చింది. ఉదాహరణకు.. 2021 రివ్యూ ట్రస్టెడ్ సోర్స్ కండరాల నొప్పిని తగ్గించడం వంటి కొన్ని ప్రయోజనాలను కనుగొంది. అయితే, 2017 రివ్యూ ట్రస్టెడ్ సోర్స్ ఎముక నష్టానికి సంబంధించిన పగుళ్లను నివారించదని కనుగొంది. మీరు ఎముకల నష్టాన్ని ఎదుర్కొంటుంటే.. విటమిన్ డి సప్లిమెంటేషన్ గురించి వైద్య నిపుణులను సంప్రదించండి.
జుట్టు ఊడుట :
పోషకాహార లోపాల వల్ల జుట్టు రాలుతుందని పరిశోధనలు సూచిస్తున్నాయి. జుట్టు తీవ్రంగా రాలడం వంటి సమస్యలకు దారితీస్తుంది. ఈ పరిస్థితి ఉన్న 48 మంది వ్యక్తులలో 2015లో జరిపిన అధ్యయనంలో 12 వారాల పాటు సమయోచితంగా విటమిన్ డి అందించారు. ఇలా సప్లిమెంట్ తీసుకున్న వారిలో జుట్టు తిరిగి పెరగడం గమనించారు. విటమిన్ డి స్థాయి లోపంతో జుట్టు రాలే సమస్యను సంబంధం ఉందని కనుగొంది. విటమిన్ డి స్థాయిలు ఎక్కువగా ఉన్నవారిలో జుట్టు తక్కువ రాలడాన్ని గుర్తించారు.
కండరాల నొప్పి :
కండరాల నొప్పికి కారణాలను తరచుగా గుర్తించడం కష్టం. అయినప్పటికీ, విటమిన్ డి లోపం అసలైన కారణం కావచ్చు. దీర్ఘకాలిక నొప్పి ఉన్నవారిలో 71శాతం విటమిన్ డి లోపం ఉందని 2014 అధ్యయనంలో వెల్లడైంది. విటమిన్ డి రిసెప్టర్ నోకిసెప్టర్స్ అని పిలిచే నరాల కణాలలో ఉంటుంది. ఇది నొప్పిని త్వరగా గ్రహిస్తుంది. ఈ విటమిన్ మీ శరీరంలో నొప్పి సిగ్నలింగ్ ద్వారా తెలియజేస్తుంది. దీర్ఘకాలిక నొప్పిలో కీలక పాత్ర పోషిస్తుంది.
అధిక మోతాదు విటమిన్ డి సప్లిమెంట్లు, విటమిన్ డి లోపం ఉన్నవారిలో వివిధ రకాల నొప్పిని తగ్గించవచ్చునని 2019 అధ్యయనంలో కనుగొన్నారు. అదేవిధంగా, పెరుగుతున్న నొప్పులను కలిగి ఉన్న 120 మంది పిల్లలలో విటమిన్ డి లోపం ఉన్న 2015 అధ్యయనంలో ఈ విటమిన్ ఒక మోతాదుతో నొప్పి సమస్యలను సగటున 57శాతం తగ్గించిందని కనుగొన్నారు.
బరువు పెరగడం :
ఊబకాయం అనేది విటమిన్ డి లోపానికి ప్రధాన కారణం. 2020 అధ్యయనం ప్రకారం.. పెద్దల్లో తక్కువ విటమిన్ డి స్థాయిలు, పెరిగిన బరువు రెండింటి మధ్య సంబంధం ఉందని తేలింది. అయినప్పటికీ ఈ ప్రభావాలు మగవారిలో ఎక్కువగా కనిపిస్తాయి. ఈ విటమిన్ ‘డి’ సప్లిమెంట్ తీసుకోవడం వల్ల బరువు పెరగడాన్ని నిరోధించడంలో సాయపడుతుందని అధ్యయనాల్లో తేలింది.
విటమిన్ డి లోపం ప్రమాద కారకాలు ఏంటి? :
విటమిన్ డి లోపానికి ఒకే కారణం కాదు. అయినప్పటికీ, కొన్ని అంతర్లీన పరిస్థితులు లేదా జీవనశైలి కారకాలుగా చెప్పవచ్చు. విటమిన్ డి స్థాయిలు ఎవరిలో తక్కువగా ఉంటాయో ఇప్పుడు తెలుసుకుందాం.
- ముదురు చర్మం కలిగి ఉండటం
- తల్లిపాలు ఇస్తున్న శిశువులు
- 65 ఏళ్లు అంతకంటే ఎక్కువ వయస్సు ఉన్న పెద్దలు
- భూమధ్యరేఖకు దూరంగా లేదా ఏడాది పొడవునా సూర్యకాంతి తక్కువగా ఉండే ప్రాంతాలలో నివసించే వ్యక్తులు
- అధిక బరువు లేదా ఊబకాయం కలిగి ఉండటం
- దీర్ఘకాలిక మూత్రపిండ వ్యాధి లేదా కాలేయ వ్యాధితో బాధపడేవారు
- ఉదరకుహర వ్యాధి కలిగి ఉండటం
- స్టాటిన్స్ వంటి కొన్ని మందులను వాడటం
విటమిన్ డి లోపం ఎలా చికిత్స పొందుతుంది?
విటమిన్ డి లోపాన్ని సాధారణంగా కొలెకాల్సిఫెరోల్ వంటి సప్లిమెంట్లతో నివారించుకోవచ్చు. మీరు కౌంటర్‌లో సులభంగా కొనుగోలు చేయవచ్చు. అయితే, సరైన మోతాదు కోసం వైద్య నిపుణులతో మాట్లాడటం చాలా మంచిది. విటమిన్ డి తీవ్రమైన లోపం ఉన్నవారిలో వైద్యుడు ప్రిస్క్రిప్షన్ విటమిన్ డి సప్లమెంట్లను సిఫారసు చేయవచ్చు. 50,000 (IUT) ట్రస్టెడ్ సోర్స్ వరకు మోతాదులలో వస్తుంది. మీ డాక్టర్ విటమిన్ డి ఇంజెక్షన్లను కూడా తీసుకోవచ్చు. మెగ్నీషియం విటమిన్ డిని యాక్టివ్ చేయడంలో సాయపడుతుంది. ఎక్కువ విటమిన్ డి-రిచ్ ఫుడ్స్ తినడం కూడా స్థాయిలను పెంచవచ్చు.
మీరు తినే ఆహారంలో ఇవి ఉండేలా చూసుకోండి :
- కొవ్వు చేప
- గుడ్డు సొనలు
- తృణధాన్యాలు
- పాలు, పెరుగు
- మాంసం కాలేయం
వైద్యుడిని ఎప్పుడు సంప్రదించాలి :
మీకు విటమిన్ డి లోపం ఉందో లేదో చెప్పడం కష్టం. ఎందుకంటే.. విటమిన్ డి లక్షణాలు చాలా సూక్ష్మంగా ఉంటాయి. ఎలాంటి లక్షణాలు లేకుండా విటమిన్ డి లోపం ఉండే అవకాశం ఉంది. మీలో ఏవైనా లక్షణాలు గమనిస్తే.. విటమిన్ డి లోపం ఉందేమో ఓసారి వైద్యుడిని సంప్రదించండి. మీ విటమిన్ డి స్థాయిలను చెక్ చేయడానికి 25-హైడ్రాక్సీ విటమిన్ డి రక్త పరీక్షను చేస్తారు.
ఆ తర్వాత మీలో విటమిన్ డి స్థాయిలో ఎంత ఉందో చెక్ చేసి దానికి అనుగుణంగా సప్లిమెంట్లను తీసుకోవచ్చు. అందులోనూ విటమిన్ డి అనేది సూర్యరశ్మి నుంచి సహజంగా లభిస్తుంది కాబట్టి.. ఎండ తగిలేలా ఎక్కువగా బయట తిరగాలని వైద్యులు కూడా చెబుతుంటారు. ఉదయం పూట కాసేపు ఎండలో ఉండటం ద్వారా విటమిన్ డి పొందవచ్చు.